Stigterslede, Marius Stoffberg, Willie Botha, Stephan Redelinghuys & Nols Odendaal het gesamentlik meer as 100 jaar ervaring in die finansiȅle dienste - bedryf. Die SBRO direkteure het die nodige kennis en kwalifikasies en voldoen aan al die vereistes om, in samewerking met SBRO Fonds Bestuurders se vennote, kliȅnte beleggings na behore en op professionele wyse te bestuur.  Sien al die direkteure se verkorte CV’s en kwalifikasies op die “Direkteure” – skakel hierbo te klik.

Die eerste letter van hierdie Stigterslede se vanne is gebruik om die naam en handelsmerk wat sedertdien ‘n huishoudelike naam in Suid – Afrika geword het, te vorm: - S.B.R.O. 

Die skerp besigheidsin en effektiwiteit van die SBRO besluitnemers het dit moontlik gemaak en die nodige kapasiteit geskep dat die aantal direkteure tot 10 kon toeneem. Daar is ‘n beduidende balans in die samestelling van die direkteure en dit wissel van ‘n jeugdige voortvarendheid van die jonger direkteure, wat die nodige innoverende denkrigtings verskaf, tot die stabiliteit en kalmte wat die meer ervare senior direkteure bied. Hierdie samestelling van direkteure van verskillende ouderdomme bied opsigself ook die oplossing op die probleem waarmee so baie finansiële dienste - firmas worstel, naamlik opvolgbeplanning.